今日...
病情又有新既進展...
上鄂既發炎已經好得七七八八...
雖然仲有少少痛...
但係都不足為患~~
但係就轉而到咳...
今日咳到甩肺咁滯...
至於持續左三日既99度以上既體溫...
今日已經突破左100大關既...
而家咳到已經唔想咳出聲...
咳親都好痛...

今日...仲俾我發現左一樣野...
原來我面上果d幾乎睇唔到既雀班都已經清得七七八八...
可能同我呢排開始勤力有關...
而家只係淨返兩粒好淺色既...哈哈~
令到我開始對護膚品重燃返信心~~

持續兩日發燒...
99.1->99.4->99.9
終於去左睇醫生...
診所果d姑娘竟然話99度冇燒...
明明已經高過正常體溫...

醫生話我喉嚨發炎...
牙肉發炎...
發燒影響到頭痛...
條腸唔記得話有咩事影響到肚痛...
仲有唔知咩事影響到胃痛...
仲開左d止頸痛既藥俾我...我都唔知咩事...

最後醫生開左七隻藥俾我食...
醫生仲叫我唔好曬太陽...
但唔記得同醫生講我想嘔...開埋止嘔藥俾我食...

今日...九點幾起左身...
放暑咁耐第一次o係冇野做既情況下咁早起身...

因為今朝醒醒地既時候...
見到阿媽o係房門口路過...
我好奇佢點解會仲o係屋企...所以問佢...
點知俾佢發現左我醒左...
佢就叫左我去飲茶...
叫埋阿姨...阿舅...同浩浩豬...

飲完茶之後...
由我黎"咩"浩浩豬去行街...
佢都幾重...

之後見到阿jean...
佢見到浩浩豬都話佢得意...
仲話浩浩豬個樣好卡通...哈哈~~

今日浩浩豬特別痴我...
我中途有一輪冇抱佢...俾左阿媽抱...
但我一向佢第手...
佢就即刻向我第手...
仲真係撲過黎我度...

o係百佳果時...我抱高浩浩豬...佢個頭同我個頭平排...
之後佢係咁撞埋黎我個頭度...
我"哎呀"一下佢就撞一下...
傻浩浩丫...

我今日仲跤親隻腳...
o係過新墟果面...
有個位既坑渠特別疏...
我隻腳就咁就"攝"左落去兼跤一跤...
我隻腳咁大隻都會攝左落去...
d細路仔唔小心真係會好危險...

之後返到屋企...
見到d綠頭經已茁壯成長...
睇住佢兩個鐘頭內已經生得高左好多...
真係神奇...

3.7.2005

今日唔駛幫子賢補習...
好耐未試過星期日可以咁遲先起身...
原本諗住去跑步...
但係浩浩豬黎左我屋企...
好耐冇見過佢...
佢好似真係大過左咁...
識得好怪咁爬...
識得扭計...
識得認人...
識得一唔鍾意就喊就嘈...
識得玩表姐...

今日...
佢好嘈...
係咁扭計...
我又用緊部6230i打麻雀...
所以覺得ok煩...
同佢講左句...
"罰你企街磚丫o拿~"...
結果可能唔關我事...
但佢即刻收左聲...

之後佢食蒸蛋...
佢食完之後...
竟然伏左落我度...
拎左我條褲黎抹嘴...

食完飯之後...
我再俾佢fake左...
佢老豆抱住佢
佢向我第手...
我抱左佢...
之後佢即刻向返佢老豆第手...
佢老豆即刻話佢個仔係玩我~~

2.7.2005

今日幫子賢補習...
教佢同分母分數加法...
起初佢完全唔明我o係度做緊乜...
果時真係覺得唔知點好...
突然間覺得自己好似唔識教人咁...
不過佢最後都明左...
雖然唔知佢係真係明左點解定係只係識用個方法...
但係佢都叫做識計...
仲計得幾開心...
咁都幾好...
今日同佢補習...
冇鬧過佢...
前排佢考試我都有壓力...
所以先會佢唔聽話就鬧佢...

補完習之後...
去左跑步...
跑左都唔係好耐...
真係覺得自己身體好差好唔掂...

夜晚...
我同柔柔開始研究華華送俾我果棵音樂樹...
我地決定倒左佢出黎睇...
入面竟然咩都冇...
全部都係泥...
淨係有塊o者喱狀既野...
我懷疑呢塊係晶結所在...
但係最後我地見咁耐都種唔到野...
掉左d綠豆入去...