今日...係搬hall日...
朝早起身...
我都仲係好忙咁執野...
有d唔知帶d咩返入去既感覺...
最後...total執左三袋野出黎...
當然有佢幫我搬la~~
不過可能係我太貪心喇...
所以搬到我地好辛苦~~

N1724...
今年我住既房...
我都係今日先知道...
原來佢係傳說中周hall個view最好既房...
個view真係ok既~
雖然冇以前cai hall個view咁靚...

之後o係房度係咁抹野...
抹左都好耐...
等到六點...
我就要過返南座搬返箱野返黎...
初初勁驚...
要將箱咁重既野由南座搬返黎北座...都唔知點算好...
點知實際上我真正拎呢個箱既時間係半分鐘都冇~~
沿路有三個人先後咁幫我拎...
真係好~~~

之後執埋箱野...
都搞左好耐...
d野都算執得七七八八...
之後就起程返屋企喇...
估唔到咁樣都搞左咁多個鐘~~~

夜晚...
同yammi傾偈~~
之前怕yammi會唔鍾意我~我咁樣走左去~~
不過冇呢~~
好開心呀~~

返工既關係...所以好耐冇寫過日記lu~~

8月24號...
份工我即日resign左...有d憤而辭職咁...
果日返到去個人勁躁...又"支力"又遲到...
開始埋怨個更表...
個同事係咁調我個更表...
搞到我由對上果次放假到24號果日...
六日入面...四日踩whole...六日都係收夜...
我覺得好唔fair law...
我唔係介意佢地調更...我都明白佢地有佢地既理由...
但係唔係咁偏面性調law...調應該調得全面d law...
要我踩whole冇問題...但係唔好調到我踩完十二個半鐘之後第二日再踩十個半鐘丫...
要我收夜冇問題...但係唔好調到我收完夜第日再返早兼踩whole丫...
一日半日都唔係問題...但連續六日咁黎法我真係頂唔順...
到23..24果兩日我真係有少少休克law...
再諗返之前有個同事因為唔想收夜而私下迫我返apm自己就返返新港真係火都黎埋...

再加上...
29號我真係想請假...我果日要搬hall...
我由編好更果時已經講左...
但係佢地又話如果29俾我請...就要我踩十幾日冇假放...叫我點揀???
到老細話俾我放...佢地都依然唔肯...
呢d野...一次過加加埋埋...令到我覺得好嬲...
再加上果日我又躁底...
結果就好衝動咁即日resign...

但事後再諗返...
究竟我成件事既處理手法係咪錯左呢...??
同埋都覺得自己有d冇用...
其實距離我原定話唔做既日子都唔係差好遠...仲有幾日...但都提早resign...
覺得好似係自己唔捱得苦咁...
其他人都係咁樣返...點解我會做唔到??
其實成件事我覺得我都有d唔o岩既~

對於呢份工...
雖然最後好似俾我搞到不歡而散咁...
但其實都有d唔捨得...
唔捨得yammi~
同yammi一齊返apm果時真係好開心~
仲有mandy~mandy佢真係好好人~~

今日...
我同華華出左去銅鑼灣...
行左好耐...
結果都冇乜收獲...
淨係買左條粉晶加白晶...
好靚...
亦都貫徹左我一向既作風...

除左條水晶之外...
其他野真係乜都冇買...
野食就買左一大堆...
竟然乜都冇買...
野食就買左成百蚊...

原本見到隻playboy鞋...
諗住買...
但係見到兩隻唔知點揀好...
所以最後都係冇買到...
都係遲d再買~~~

今日行左咁耐...
都有少少"支力"...
聽日會去試工...
唔知會點呢~~~

今日竟然訓到十點鐘就眼唔著...
迫住要起身...
但係皓皓豬冇幾耐就黎左...
但都唔想同皓皓豬玩得咁埋...
驚傳染佢丫嘛...

下晝...阿媽返左山景有野做...
我就同皓皓豬兩個人o係屋企...
原來咁樣睇住佢都幾難...
因為唔可以掉佢落床仔再做自己野...
做乜都要抱住佢...

佢又成日踢我...
又唔知自己大力...
踢到我好痛...
有一回佢踢我不特止...
仲要唔聽話爬黎爬去...
我就打左佢一下...
佢竟然回頭對我笑...
唔打佢又走圍走...
打佢佢又笑...

之後好難得"乙水"到佢訓覺...
阿媽一返黎諗住抱佢返房訓竟然整醒左佢...
到五點幾...
皓皓再訓左...
結果見到佢訓我又覺得眼訓...
我又走去訓左覺...

夜晚...
就同左佢地出去打邊爐...
好耐未打過邊爐喇...
雖然仲未咳好...
但唔理lu...

今日睇左下個sem個time table...
都ok...
冇天地堂...
只係有一堂八半堂...
睇下到時調唔調...

26.7.2005

今日生日...
今年maggie係第一個同我講生日快樂既人...
仲要勁準時果隻...
愛死佢~~

不過d咳仲未好返...
二十年黎第一次病住過生日...
但朝早有一次咳左一下異常咁痛之後...
好似好返少少...

朝早同左舅舅同埋皓皓飲早茶...
皓皓去慣明星飲茶...
第一次去果間酒樓...
好似唔係好慣咁...
冇去明星咁興奮...

下晝同左華華出街...
咳同喉嚨痛一於好少理...
我去左食粉仔...
之後再行我同華華成日都行既屯門...
成左五個幾鐘...
行到我同華華都唔知行乜好...
仲要行到我地兩個都好"支力"...

夜晚就去左唱k buffet...
同華華..damon..hysen..ronnie去唱...
我同華華又做埋d師奶野...哈~~

咁又過左我既二十歲生日...
咁又兩張野...
有好多人同我講生日快樂之中都叫我要開開心心...
我平時成日都好唔開心架咩??